ONE MOCKE

JACKLINE PANTEZEL KUJA NA FILAMU MPYA YA ‘JINI TAUSI’…!!

MREMBO anayetesa ndani ya bongo movie Jackline Pantezel, ameuambia mtandao wa DarTalk, kuwa hivi karibuni ataachia filamu yake mpya inayokwenda kwa jina la ‘Jini Tausi’, ambayo inasimamiwa na Kampuni  mahiri ya PILI PILI Entertainment.Akizungumzi filamu hiyo msanii huyo alisema kuwa kazi hiyo itakuwa na nguvu za za aina mbalimbali lakini kikubwa kitakachookoa maisha ya watu ni maombi.Alisema kuwa hata hivyo ndani ya kazi hiyo kutakuwa na wasanii wengi chipukizi pamoja na mkali wa tasnia hiyo Hemed Seleiman ‘P.H.D’, ambaye atasimama kama musika mkuu kwa upande wa wanaume.Aliongeza kuwa lengo lake katika kuwatumia wasanii chipukizi ni kuwatoa katika tasnia hiyo kwani wapo wengi ambao watakuja kufanya vizuri hapo baadaye.“Jini Tausi, ni filamu ambayo itakuwa inahusu mambo ya kishirikina lakini maombi yatachukua nafasi yake na kila kitu kitaenda sawa, lakini filamu hii itatolewa na kampuni mahiri ya filamu ya Tanzania PILI PILI Entertainment, hivyo mashabiki wangu wasubili kuona kazi hiyo,” alisema.

UFAHAMU ML. KILIMANJARO

Kilimanjaro ni mlima mrefu kuliko yote Afrika, pia ni wa pili kwa urefu Duniani. Mlima huu uko nchini Tanzania katika Mkoa wa Kilimanjaro. Una urefu wa futi 19,340 (mita 5,895). Hali halisi Kilimanjaro ni zaidi kuliko mlima tu ni kama safu ndogo ya milima mitatu: Kibo, Mawenzi na Shira. Hii mitatu inaonekana kama vilele vitatu vya mlima mmoja hivyo si vibaya kusema Kilimanjaro ni mlima. Kilimanjaro ni volkeno iliyolala kwa sasa. Kwenye kilele cha Kibo gesi bado inatoka. Kumbukumbu ya wenyeji ina habari ya mlipuko takriban mnamo mwaka 1730. Kilele cha juu cha Kibo kinaitwa Uhuru. Mtu wa kwanza wa kufika kileleni hapo alikuwa Johannes Kinyala Lauwo kutoka Marangu aliyewaongoza Wajerumani Hans Meyer na Ludwig Purtscheller tarehe 6 Oktoba, 1889 wakati wa ukoloni wa Ujerumani. Wakati ule waliita ncha ya juu "Kaiser-Wilhelm-Spitze" (kijer.:Kilele cha Kaisari Wilhelm) kwa heshima ya Kaisari wa Ujerumani. Kibo ina theluji na barafuto kadhaa ndogo.

YAJUE MAKUMBUSHO YA MWL. NYERERE

Makumbusho ya Baba wa Taifa, Mwalim Julius Kambarage Nyerere yaliyoko Mwitongo katika kijiji cha Butiama yakitangazwa na kutumika vyema yanaweza kuwa kivutio kingine cha utalii na kuliingiza taifa pato na kufungua ajira kwa watanzania. Makumbusho hayo ambayo yako kilometa 40 kutoka Musoma mjini na yalianzishwa kwa lengo la kuhifadhi historia ya maisha ya Baba wa Taifa, kazi alizozifanya ndani ya nchi na hata nje kwa lengo la kuifahamisha jamii ya watanzania na jamii ya kimataifa.Mwalim Nyerere alikuwa mtu mashuhuri. Bado anaheshimiwa sana duniani kote. Kazi zake yakiwemo maandishi mbalimbali na hotuba zake vingali na umuhimu hadi leo. Siyo vizuri kupoteza hazina hii. Makumbusho haya yalijengwa na serikali na kisha kuyakabidhi kwa Mwalimu Nyerere, ambaye hata hivyo aliyarudisha serikalini mara tu baada ya kukabidhiwa na aliyekuwa waziri mkuu Fredrick Sumaye Julai 2, 1999. Mara baada ya serikali kukabidhiwa, tulianza kazi ya kukusanya, kutunza na kuonyesha vitu vyote vya kitaifa na kimataifa vilivyohusu maisha ya Mwalimu Nyerere.

ONE MOCKE

Pages

Thursday, March 15, 2012

No comments:

Categories